قصة نادر ونادرة (نهاية الوفاء)

‏نادرة بنت جميلة جدا , من أسرة على قد حالها متدينة وعلى خلق عالي تبدأ قصتها وهي في أجازة الثانوية العامة, بعد ما خلصت الإمتحان , وظهرت النتيجة وجابت مجموع يدخلها كلية التربية ..
وتبدأ نادرة معكم في رواية قصتها :

كان فيه نشاط صيفي لأحد المؤسسات التي لها ألتحق بها , وكان هناك رحلة للأشبال والزهرات وكنت مشرفة من ضمن مشرفات الرحلة , ومعي مجموعة زهرات ,متبعاهم في الرحلة, زي أي مشرفة ,,
المهم : لاحظت : كل شوية أخ كان مشرف أيضا في الرحلة : عينه مش بيشلها من عليا !! :$
لدرجة إنه أحرجني جدا من هذه النظرات ,, الناس حتى أخدت بالها !

الرحلة انتهت على خير ورجعنا بالسلامة ,
وما إن مر 3 أيام وإذا وجدت أحد المعارف . بعتالي تعالي بعد المغرب ضروري عاوزاك !
لبست وروحت لها في الموعد المطلوب ..
قابلتني وقالتلي : فيه شخص كان معاك في الرحلة , وهو الآن موجود وعاوز يقعد معاك ويتكلم ولو فيه قبول هيجي البيت ,
اتحرجت جدا وقولت : طب مش تقولي قبل ما آجي ؟ أقول لأهلي حتي ؟
قالتلي : خير البر عاجله .. أحنا بدل أهلك وهنجلس معاكم .
و أنت كنت في الرحلة معاه من غير الأهل ,
دخلت فعلا وجلست ومعنا الأخت وزوجها
ودار بينا حوار وتعارف ,
وعرف نفسه ‫#‏نادر وكانت مواصفاته كالآتي :
شاب متدين ,مخلص هندسة, ومنتظر التعين ومن أسرة ثرية ذات نسب عريق , وهو الولد الوحيد وأهله هيتكفلوا بكل شيء في زواجه وشقته جاهزة في بيت والدة .
ودار بينا حوار وهويستفسر ويسأل وأنا أيضا .
مش هنكر عليكم إرتحت جدا ليه
وقال ساعتها : ممكن آجي البيت ؟
قلت : اتفضل
وروحت حكيت لوالدتي عن اللي حصل , وفرحت جدا لأنه من عيلة كويسة وقالت لوالدي ووالدي كان مرحب أيضا
لم يمر أسبوع ولقيناه جاي مع أهله , والبيت استقبلهم استقبال حافل جدا
بس كان شكل أهله جايين من غصب عنهم !!
واتفقوا إن الشبكة هتكون أول ما يلاقي وظيفة واتفقوا على كل شيء وقروا الفاتحة ,
جم اعمامي واخوالي وهو واسرته فقط ,,
وبقى يجي يزورنا , وكل زيارة أتعلق بيه أكثر ويتصل علينا والبيت كله حبه جدا ,
كانت أخته بتيجي زيارات لينا وفي مرة شافتني بشعري وشعري طويل جدا وأشقر,,
قالتلي :ايه الجمال ده ؟
هقول لنادر .
قولتلها : بلاش الله يكرمك ما تحرجنيش هتكسف ..
بعدها قالتلي : قلت لنادر على شعرك
وقالي اقولك : إنه بيحب الشعر الطويل حافظي عليه وإوعي تقصيه .
ومرت الأيام وبدأنا نلاحظ إن أهله من بعد قراءة الفاتحة , مادخلوش البيت بالرغم من إنهم من نفس البلد
وحتى أخته بدأ تقطع زيارتها ,
استغربنا وكل أما نسأله يقول كويسين وبيسألوا وبيسلموا عليكم
أهلي زاروهم في المدة دي مرتين ..
جات والدتي : ولدت ,, يعني مناسبة ما تتسبش منهم !!
لا زيارة ولا حتى اتصال بالتلفون ! :@
المهم : والدتي ووالدي سألوه لأنهم لقوا الأمر مش طبيعي
وسألوه : هم الأهل زعلانين من شيء .؟
رد : لا ابدا إن شاء الله هيجوا قريب
والدتي لما فاقت من الولادة : أخدت هدية وراحت تزورهم لعل يكونوا زعلانين !!
فضلت أمي قاعدة في الأنترة عندهم واستقبلتهم اخته الصغيرة :@
وقالت لها : ماما مش موجودة رغم معرفتها بموعد الزيارة -.-
فهمت أمي ساعتها إنهم بيهربوا مننا ,, !
بعت والدي لواحد قريب منهم عشان يعرف إيه الموضوع ؟
الخلاصة :
إننا كنسب مش عاجبنهم . وابنهم ضغط عليهم في قراية الفاتحة وهم مش عاوزين يكملوا , وابنهم مصر ,وفي خلاف شديد معاهم لدرجة والده قاله : لو أصريت على الموضوع .. تسكن بره ولا هنحضر فرح ولا لنا دعوة بيك !!

أهلي قرروا يخدوا موقف : وفي لزيارة نادر والدي قاله : يا ابني مش هنرضي بيك غير بأهلك الموضع منتهي عندنا لحد إما : تقنع أهلك وإما كل شيء نصيب ,,عمرنا ما هنكون سبب لفرقتك مع أهلك أبدا ,,
مش هقلولكم : كم الألم اللي أصابني وخصوصا إني بالفعل اتعلقت بيه ..
كان أول رجل يدخل حياتي ..قربت منه جدا وهو كذلك .
عرفت إنه اصيب بحمى . وبعدها جلطة في الرجل من حزنه وضغط أهله عليه
وكان بيمشي على : ,عكاز لفترة وده خلاني أتمسك بيه أكثر وأتعاطف معاه ..
بعت رسالة لوالدي مع شخص وقاله : انتم مازلتم نسايبي و#نادرة مازالت خطيبتي .. وأول أما ألاقي شغل هتقدم رسمي مهما كانت الظروف ..و لو بعد 3 سنين .. هي خطيبتي ومش هخطب غيرها . وبعتلي نفس الكلام في رسالة .
وقلتله : وأنا منتظراك ..حدش هياخد مكانك أبدا هيفضل فاضي لحد ما تيجي وتملاه ..

فرحت قوي بالكلام وقلت : ده عهد علي مش هفرط فيه ابدا .
أهلي قالولي : بلاش تحلمي .. مافيش حد هيطلع عن طوع أهله !!
قلتلهم : مش ده راجل وبعت كلمته مع رجالة ..
وهو شاريكم وبايع أهله و قعدت أعيط ,,
مافيش رحمة , ولا تقدير,
أهلي سكتوا وسابوني ..
كل يوم أحلم,, باليوم اللي هيجي فيه تاني ؟
مرت سنة على هذا الحال , وفي آخر السنة دي التحق بشغلانة كويسة جدا
وقلت هيجي !!
مر 3 شهور !!
6 شهور !!
قلت أكيد بيكون نفسه عشان : الشبكة لأن أهله مش هيساعدوه .
ومازالت رسالته ترن : في قلبي قبل عقلي
وفجأة : واحدة صحبتي كنت بزورها مالقتهاش ؟ -.-
سألتها كنتي فين ؟ سكتت وماردتش !!
حسيت إن فيه حاجة وبعد إلحاح .. عرفت إنها كانت بتحضر حفل خطوبة لصاحبتها والعريس بقى مين ؟
#نادر
كانت صاعقة ..
أخدت نفسي, وروحت بدون أي كلمة ,, دخلت غرفتي قفلت على نفسي أبكي و أبكي بكل حرقة
وأبص لنفسي في المراية وفجأة لاقيت شعري ..وتذكرت كلماته( حافظي على شعرك )
جبت المقص وقصيت الضفيرتين .. من بدايتهم وقعوا على الأرض جنبي ..
فوقت بعد ماقصتهم واقعد اعيط اكثر بصوت علي وحرقة ونحيب .
دخلت أمي على: واصدمت من الموقف .. فيه ايه؟ في ايه ؟
فيييين على : ما هديت وعرفت : أنطق كلمتين وعرفت الموضوع !!
أخدتني في حضنها ..

وبعد مافوقت من الصدمة !!
لاقيت نفسي خسرت أجمل شعر في الدنيا
أخبار الوفاء ايه ؟

Om Khallad